Corupcion!!!

Nos di PPA ta lamenta enromemente cu nos mandatarionan ta recurri na methodonan asina baho pa chica nos pueblo, pa nan enriquece nan mes, riba custia di pueblo. 

Nos di PPA nunca a sostene e tipo di manehonan aki, ni ora nos tabata nos so, ni den niun coalishon. Esey ta e fundeshi di nos partido, for di tempo di nos lider Juancho Irausquin q.e.p.d., cu nos a saca 15 asiento. Nos tin hendenan cu kier mira e pais aki bay dilanti y no ta riba lista pa beneficio propio. Nos di PPA ta boga pa juda nos pais progresa. Pa TUR e cuidadanonan di pais Aruba bay dilanti! Nos ta hendenan integro. 

Na e momentonan aki pa prome biaha den historia di Aruba, nos a conoce un Minister den funcion cu a wordo deteni y no a entrega su cargo. E ta deteni y cobrando salario cu pueblo ta paga! Nos ta lamenta cu e gobierno aki a abusa di e necesidad di e stranheronan cu mester traha pa alimenta nan famianan den exterior. 

Aki por tende André Bosman Parlamentario di VVD den Tweede Kamer.
 su comentarionan di loke ta pasando na ARUBA tocante e casonan di corupcion.

Pero esaki no ta tur, pasobra haciendo esaki, e Minister y diferente coordinador cu ta wordo paga cu NOS placa di belasting, a hasi nan mes rico cobrando placa na e personanan aki, probechando di nan situacion. Na e otro banda, e personanan aki ta wordo paga menos di loque un hende local lo a hanja na salario y ta keda endeuda cu e dunador di trabao cu ta fia e trahador e placa pa paga e permisonan, incluyendo e soborno cu e coordinador di e Minister a tuma placa p’e.  Consequentemente e trahador aki ta bira un esclavo moderno cu ta gana minimum loon of menos y mester paga e dunador di trabao e placa bek. 

Ta tristo pa mira hendenan cu a hanja confianza di pueblo pa hiba e pais aki dilanti, ta jenando nan saco, mientras pueblo ta sufri.

Si en berdad di TUR e invershon cu gobierno a hasi, ta 1% so, nos por wak, pueblo mester puntra su mes, unda tur e placa aki a bay y ta ken ta beneficiando di dje! Sigur cu no ta nos cuidadanonan!  

PPA ta boga pa baha cantidad di Minister, coordinadornan y anula e “ amienda di 6 minuut” y si mester, hasta baha e salarionan di e Ministernan. PPA kier y ta traha pa e pueblo Arubano en general, sin distinccion!

Pueblo, habri boso wowo, NO vota pa partido, vota consciente, vota pa un hende cu ta mustrabo confianza!

Aruba Semper Prome!
 
Cu bo sosten, Aruba lo tin un mihor futuro caminda nos tur por biba trankil!

            Lider di PPA, Kar-Lie Ng #2 riba lista #2!

Andre Bosman No1

Andre Bosman No2

Andre Bosman No3

Andre Bosman No4