Un Tiki di Historia di " Protocol 93"

“ MENSAHE DI HULANDA CU AINDA PROTOCOL 93 TA VALIDO TA UN SENAL CU STATUS  APARTE TA NA PELIGER !”

E CAMINDA DI CANOSSA PRONOSTICA PA PPA A WORDE KANA   ( Y AINDA TA WORDE KANA) Y MESTER A ENTREGA AUTONOMIA LOGRA NA 1954 Y NA 1986 PA ARUBA POR A HANA COOPERA-CION DI HULANDA Y ANTIYAS PA “SCHRAP” INDEPENDENCIA DI ARUBA FOR DI STATUUT. AWOR TA RECORDA FIRMANTE  DI E PROTOCOL RIBA ESAKI !. E MOMENTO DI CUMPLI A JEGA……

Net despues cu PPA a inicia cu nos oposicion di pafor di parlamento a sali e informacion cu Hulanda lo a informa un delegacion di Staten di Aruba cu e acuerdo cu Hulanda kier jega cu e islanan di Antiyas Neerlandes pa asina atende e consecuencia di esaki …..ja kaba Hulanda lo tin un acuerdo cu Aruba cu ta regla esaki “entrego di cierto parti di autonomia arubano” bek den man Hulandes.  Hulanda e referi na e asina jama “protocol 93” pero henter e delegacion di Aruba No tabata sa di existencia di e protocol aki mes.  E tempu ey na oktober 2006 PPA a scirbi varios articulo informando pueblo di e historia y contenido tras di  e ‘protocol 93’ menciona.

No kabe duda cu como cu e topico aki ta dificil pa comprende of sigui hopi di nos pueblo no a comprende e mensahe di PPA.

E mensahe di Hulanda cu ainda e protocol 93 ta valido ta un senal cu Status Aparte manera nos conoce despues di e logro di sr. Betico Croes q.e.p.d. tan a peliger !

Ta pa e motibu aki tambe na 2006 PPA a propone pa gobierno di Aruba structura un PLATAFORMA NACIONAL den cual lo tin representacion di tur gremio na Aruba pa asina trata e desaroyo estatal conforme e procedura cu sr. Betico Croes q.e.p.d. a  usa.

Lamentablemente gobierno di Aruba no a sigui e proposicion di PPA ?

E pregunta ta Pakiko ? Y e tin su contesta tambe ?

Si a nombra un ‘Plataforma Nacional’ lo mester a studia y discuti conhuntamente e contenido di e “Protocol 93”  y naturalmente su pakiko ?

Esaki pakiko a firma pa entrega un parti substancial di e Status Aparte  logra pa sr. Betico Croes q.e.p.d.  bek na Hulanda ?

Y e ora ey e berdad lo a sali, esta e “caminda di canossa” pronostica pa PPA cu a worde kana y ainda ta worde kana, pa no papia mes di e entrego di autonomia/Status Aparte door di MEP y AVP di e logro di sr. Betico Croes q.e.p.d. !

Durante e proceso pa discuti e Ley di Reino na 1985 , PPA a mustra riba  e hecho cu e decision major tabata un decision pa INDEPENDENCIA di Aruba na 1996 accopla na un Status Aparte pa diez ana. Pa colmo un Independencia SIN garantia …Y PPA a mustra  cu aprobando esaki lo trece sin duda un “caminda di canossa” ora cu Hulanda rechaza GARANTIA pa Independencia na Aruba y consecuentemente Aruba lo mester keda den Reino bao condicion Hulandes (caminda di canossa).

Pesey PPA a bandona sala di Reunion esta PPA NO a vota contrario na e splicacion cu a worde duna den pueblo cu PPA lo a vota contra.

Esaki simpelmente nunca tabata berdad.

E protocol 93 cu awe atrobe ta den descussion ta producto di e proceso estatal ora Hulanda a condiciona  Aruba cu pa “schrap “ e fecha di Independencia….for di Statuut.  Aruba lo mester cumpli cu un racha di condicion. E condicionan aki a worde poni den “protocol 93” y a worde firma pa prome Ministro sr. Nelson Oduber y Lider di AVP sr. Henny Eman !  PPA ta considera cu awor cu 15 ana a pasa cu e ‘protocol 93’ a worde firma cu ningun momento Aruba mester accepta cu ainda e protocol aki ta valido!. Mester para Hulanda riba esaki, pero aparentemente representacion di Aruba tanto den gobierno y den parlamento a manera entrega kaba.

E eror serio cu gobernacion di Aruba y parlamento a comete ta pa NO a participa den e proceso pa ‘split” Antiyans Neerlandes for di otro.

Durante un proceso asina Aruba lo por a sali na vanguardia di su interesnan y negocia na momento cu algo serio ta riba mesa. Ta e ausencia di Aruba na e  reunionan aki a pone cu Hulanda a saca e ‘protocol 93” for di den kashi y a ponele riba mesa. Pakiko ? Pasobra aki Hulanda tin Aruba mara kaba riba varios di e puntonan cu nan kier impone riba  e islanan di Antiyas Neerlandes.Y e mensahe  di Hulanda cu ainda e “protocol 93” ta valido, ta simpelmente un mensahe politico cu Aruba (MEP y AVP) mester cumpli cu locual nan a firma na oktober 1993.  Esey ta e puro berdad pa esnan cu kier comprende kiko realmente a pasa ! PPA lo bini cu mas informacion riba e desaroyo aki y PPA ta keda para riba nos ponencia cu mester exigi respet pa e Status Aparte di Aruba manera logra pa sr. Betico Croes q.e.p.d. y no entrega parti di esaki(autonomia) bek den man di Hulanda.

   Lider Politico di PPA

Reaction di Nelson Orlando Oduber na Hit 94.1

eleccion di dia 22 september ultimo

Felicitacion di PPA pa e eleccion di dia 22 september ultimo

PPA kier a felicita e partidonan cu a logra hanja representacion den Parlamento den e eleccion di dia 22 september ultimo. Na esnan cu mester bay forma e gobierno di coalishon cu pueblo a escohe, nos ta deseanan hopi sabiduria pa tuma e decisionnan correcto y cu bienestar general di nos humilde pueblo prevalece como e meta principal. 


Na e pueblo votador cu a eherce nan derecho, nos di PPA kier a gradici un y tur cu a tuma e tempo pa tene nos democracia bibo y tambe esnan cu a sostene nos durante campanja y eleccion. Nos kier a gradici tambe tur periodista, colaboradornan, voluntarionan, personal di Censo y Electorale raad, Cuerpo policial y tur personal di demas medionan di comunicacion y tur otro persona cu di un forma of otro tabata riba pia pa a hasi di e eleccion aki, uno exitoso.

Danki tambe na UPP y su candidatonan pa a duna nos e oportunidad di uni forza y presenta un lista combina y pa nan colaboracion durante campanja. 

Lider di PPA,

Kar-Lie M.A. Ng

Serca GOBERNADOR

KAR LIE NG DI PPA DESPUES DI A REUNI CU GOBERNADOR

Sept 22 Ora Zero

Aki Nos por tende e entreviesta nan  di e dia

Intreviesta na St Michael School

Candelario Booshi Wever ta deposita su voto na St. Michael School hunto cu Benedict Nisbet y 

Kar-Lie Ng Lider Nobo di (PPA) y simpatisantenan di UPP/PPA.

PPA ultimo rueda di prensa prome cu eleccion. .

PPA ultimo rueda di prensa prome cu eleccion

Ban pe Cambio

Impuesto directo of indirecto?

Impuesto directo of indirecto?

                                                                 BBO, BAZV of ABB?

 Un impuesto indirecto no mester ta un peso pa e comerciante, ni tampoco wordo cobra na cada paso di e keten sin cu por pidi restitutie pa esaki. Un impuesto indirecto ta wordo pagá door di e consumidor final na e comerciante y e comerciante ta paga esaki na Servicio di Impuesto. Un impuesto indirecto no ta algo cu ta causa un gasto pa e comerciante. E ta un impuesto riba consumo final. Un forma di ABB den cu ta cumpli cu e principionan di “EU-VAT” , cual requisitonan mi lo elabora riba dje siguientemente, lo por ta un alternativa pa e BBO y BAZV, pero conhuntamente cu control di preis.

Un impuesto indirecto, manera ABB ta/lo mester por cumpli cu entre otro e siguiente criterianan pa e sirbi su propósito:

 

-  No mag di wordo cobrá na tur schakel, y si esaki wordo hací, e tussenschakels mester por   pidi y haña restitucion di e impuesto pagá pa asina esaki no tin un effecto exponencial riba prijs di un producto of servicio pa e consumidor final.

-  Beneficio di tin un impuesto indirecto di e forma aki ta trece mihor control pa cual motibo       lo tin menos chens di fraude. Pa motibo cu tin diferente momento di impone e impuesto.

-  Por scohe pa no cobra impuesto indirecto riba productonan p.e. médico.

-  Si den e país exportadó tambe tin impuesto indirecto, di e mesun forma, lo mester jega na  un combenio pa e no wordo agrega riba e prijs di exportacion. Lo por haci mescos si ta exporta producto of servicio for di Aruba.

-  E impuesto no mag di costa e comerciante mas na gasto administrativo, e mester ta facil pa     compronde y implementa. Di otro banda, pa Servicio di Impuesto, e mester ta facil pa          controla door di nan.

Impuesto indirecto lo nifica entrada adicional pa caha di gobierno pero tambe lo por nifica un bahada di poder di compra di e cuidadano si esaki no wordo implementa correctamente y conhuntamente cu otro incentivonan y/of cambionan, manera ahustacion y rebaho di e tarifanan di inkomsten- y loonbelasting pa e cuidadano por tin mas placa den su cartera pa gasta y asina contribui na e impuesto indirecto aki. Otro aspectonan cu mester ta den funcion ta e mededingingsauthoriteit cu mi a mencioná anteriormente pa tin entre otro control riba prijs.

Abo, como consumidor, kico bo ta pensa awor di BBO y BAZV? Mirando tur e requisitonan ariba menciona, BBO ni BAZV no ta cumpli cu nan, pa es motibo, nos prijsnan ta desproporcional, cual ta hasi nos costo di bida caro. Bo ta compronde awor dicon nos costo di bida diario ta asina caro?

 

Pueblo, habri boso wowo, NO vota pa partido, vota consciente, vota pa un hende cu ta mustrabo confianza!

Aruba Semper Prome!

Cu bo sosten, Aruba lo tin un mihor futuro caminda nos tur por biba mihor!

             Lider di PPA, Kar-Lie Ng #2 riba lista #2!